photo to screen saver لتحويل الصور عائلية او عادية الى سكرين سيفر مع موسيقى
كاتب الموضوع
رسالة
wisam مدير المنتدى
عدد المساهمات : 270 نقاط : 11818 السٌّمعَة : 2 تاريخ التسجيل : 18/03/2011 العمر : 29
موضوع: photo to screen saver لتحويل الصور عائلية او عادية الى سكرين سيفر مع موسيقى الجمعة أبريل 01, 2011 1:14 am
بسم الله الرحمان الرحيم
برنامج photo to screen saver الوظيفة الاساسية للبرنامج يحول الصور الى شاشة توقف وطبعا البرنامج بي ميزات لخ منها تكدرون تخلون موسيقى او اغنية او او او الخ بالنهاية نقطة
نجي للصور والشرح
تجون وياية لو باقين
ديلا امشوا لعد
اول صورة
نجي نشرح الجينيرال رقم 1 شكو بي سوالف تعبانة
اول سالفة اسم السكرين سيفر رقم 2
ثاني سالفة المؤلف او اللي مسوي السكرين شنو اسمه رقم 3
خامس سالفة المشروع من يكمل تريد تخزنه بصيغة تنصيب .exe او سكرين سيفر .scr رقم 6 يعني شلون ؟ خوش سؤال يعني اذا تريد المشروع من تضغط دبل كلك على الايقونة يكلك install او تريده ملف تنقله للوندوز بملف السكرين سيفر وهو يقراه الوندوز
سادس سالفة شتريد شلون شكل الايقونة تريدها كلب معدة او عدة اشكال محددة من قبل البرنامج رقم 7 وهنا حددت الكلب حتى اشوفكم لا يروح بالكم بعيد وتكولون واكع بالحب وهالسوالف هع
واخر شي بالصورة الاولى مكان خزن المشروع تريدوه عل دسكتوب بالسي بكيفكم رقم 8
هسة تردون تضيفون صور حتى تطلعلكم بالسكرين سيفر شلون تضيفون تضغطون على علامة الزائد رقم 2 وتضيفون صور بكيفكم عائلية خلفيات فنانين مغنين واذا تردون تحذفون صورة تضغطون عليها وبعدين اكو علامة اكس تضغطوها
هسة نجي للصورة الثالثة شلون تضيفون صوت للسكرين سيفر يعني اغنية او دكة رومانسية للحبجية او اغنية افتح يا سمسم او او او او الخ بالاخير نقطة
نجي للميوزك رقم 1 نختارها وبعدين نروح للزائد عل يمنة رقم 2 ونحدد النغمة او الاغنية من الحاسبة
بيها 4 افرع ودربونة اول فرع picture رقم 2 تشمل مدة التاثير عل صورة بالثواني ومدة توقف الصورة قبل ما تكلب عل لخ هم بالثواني هسة تكولون هاي شنو يحجي كله بالثواني احسن من خدمات اسيا هع
هسة ثاني فرع music رقم 3 تشمل مدة شغل الصوت او تكدرون تخلوه صامت او تردوه شفل شفل مو هاي السيارة الجبيرة لا شفل معناه اذا خالين نغمتين راسن من تكمل وحدة يدخل بالثانية ما ينطي مجال مثل التداخل
ثالث فرع banner رقم 4 اذا تردون تخلون كتابة عل صور مال سكرين سيفر اسمكم اسم حاسباتكم اسم جهالكم بكيفكم بعد
رابع فرع exit screen saver condition رقم 5 معناه شلون تريدون تتخلصون من السكرين سيفر من تبدي تشتغل تريدوها من تحركون الماوس او من تضغطون دكمة بالكيبورد او او او الخ بالنهاية نقطة
وبقت بس الدربونة background color رقم 6 شلون تريدون لون الخلفية مال الصور سودة برتقالي فستقي جوزائي كستنائي زرقاوي راح انعلس هع
الخميس يوليو 12, 2012 9:46 am من طرف 
